رواية معلمة من الصعيد الفصل السابع عشر 17 بقلم مريم شعبان
بسم الله الرحمن الرحيم
(بارت¹⁷)
ف فيلا سليم
ف الصالون قاعد صابر و سليم
صابر: بص يا حاج
سليم: نعم
صابر: الواد كويس وافق علي بركة الله بلاش تزعل البنت
سليم: تفتكر اني ممكن ازعل حفيدة من احفادي
صابر بسخرية: لا طبعا
سليم: بلاش تريقة يا صابر
صابر: أنا قولت حاجة يا حاج
سليم: طيب اسكت
صابر: حاضر
نبيل: بابا غيث و اهله برة
سليم: خليه يتفضل
نبيل: بابا لازم حضرتك تجي تقف عند الباب استقبلهم
سليم: ليه أن شاء الله
صابر يمسك أيده: يلا بينا يا حاج
سليم: ابعد يا بني
صابر: جاين وراك يا نبيل يلا بقي
سليم: حاضر لما اشوف اخرتها معكم و يخرجوا
صابر: يلا مش عايز اشوف ست فيكم هنا تاخدوا والدة غيث و تدخلوا الصالون التاني
سليم: انت اخدت علي البيت اوي
صابر: الله مش بيت مراتي يا حاج يلا بس
سليم: انت اي اللي جابك
صابر: لازم أحضر قراية فاتحة بنتي بيري
سليم: ده كلام لسه
صابر: هنقرا الفاتحة صدقني و بس بقي الناس داخلة
غيث: السلام عليكم ورحمه الله وبركاته
الكل: وعليكم السلام ورحمه الله وبركاته
كاظم: اتفضل يا غيث يا بني منور
غيث: بنورك يا عمي اعرفكم بابا اسلام و ماما يمني
سهام :اهلا بيكم اتفضلي يا مدام معنا جوا نورتي
يمني: بنورك و يدخلوا الستات لوحدهم و الرجال لوحدهم
نبيل: منورين والله
اسلام: بنورك يا حاج و يجي عز و حاتم و ماهر و جاد
عز: اهلا منورين والله ازيك يا عمو
اسلام: بخير الحمدلله يا بني
غيث: بابا انت طبعا عارف عز دول أخوات عز ماهر الكبير و ده جاد الصغير و ده حاتم ابن عمة مرات عز
اسلام: ماشاء الله ربنا يحفظكم يا ولاد
ماهر: تسلم
****
عند الستات
يمني: امال فين عروستنا
سها:م ثواني اجيبها و اجي و تطلع و تنزل اسماء
اسماء: مساء الخير
يمني: مساء النور
هيام: اسماء والدة بيري
يمني: اهلا بيكي
اسماء: اهلا و تجي بيري و البنات وراها
يمني: بسم الله ماشاء الله عروسة قمر و تسلم عليها
حسناء: حماتك يا عروستنا
بيري بكسوف: حضرتك عاملة اي
يمني: الحمدلله تعالي اقعدي جنبي و يقعدوا
سهام: اعرفك بقي ب بناتي زهراء بنتي موده مرات ابني عز و رحاب و يارا بنات عم موده
يمني: اللهم بارك لا أنا لو عندي شباب تانية غير غيث مكنتيش سيبت القمرات دول
رحاب: تسلمي يا طنط ربنا يبارك فيكي
يمني: يارب يا حبيبتي لا بس ابني مختار عروسة قمر
بيري: تسلمي يا طنط
سهام: اتفضلي الكيك
يمني: تسلمي الله طعمها حلو اوي تسلم ايد اللي عملها
سهام: الله يسلمك
يمني: عروسة ابني باذن الله بتعرف طبخ
اسماء: مين بيري دي مش بتعرف تعمل شاي اساسا رجعي نفسك شوفي واحدة ناصحة تنفع ابنك و سيبك من دي, الكل بص باستغراب
يمني: تتعلم يا حبيبتي ما كلنا مكنيش بنعرف نعمل حاجة بكرة تتعلمي و تكوني احسن واحدة تطبخ
اسماء: و ابنك هياكل ازاي لحد ما الهانم تتعلم
سهام: اسماء
يمني: يا ستي مش مشكلة يعني يجيب اكل من برة أنا اطبخ و ابعتلهم مش مشكلة يعني
بيري: تسلمي يا طنط
يمني: سلمك الله يا حبيبتي
بيري بصت للبنات بزعل يمني لحظت اني بيري زعلت ف حبيت ترضها
يمني: تعرفي يا بيري لما اتجوزت مكنتيش بعرف اعمل اي حاجة نهائي
سهام: كلنا و الله
يمني: ما ده الطبيعي البنت بتكون متدلعة براحتها ف بيت ابوها و ده حقها لما تروح بيت جديد بيكون صعب أنها تعرف تطبخ ف الاول مش كل البنات كده بس مش جريمة أو عيب علي البنت لو مش بتعرف تطبخ اتعلمي براحتها و هو غصب عن عيونه ياكل و هو ساكت احنا ناقصين صدع مش كفاية بنسيب بيت اهلنا و نروح نقعد معهم
بيري بضحك: طيب أقعد ف بيت اهلي و اسيب الجوازة يعني
يمني بضحك: لا لا أنا لو لفيت العالم كله مش هيكون ف عروسة قمر زيك لابني كلب البحر
بيري بضحك: كلب البحر
يمني بضحك: اه ده الدلع بتاعه عندنا
****
عند الشباب
اسلام: أنا طالب منك ايد الآنسة بيري ل ابني يا حاجة
سليم: هو مفيش احسن من غيث بس
اسلام: بس اي
سليم: نتفق الاول
غيث: اي حاجة موافقين عليها يا جدو
سليم: لا تعرف الاول اول حاجة تجيب شقة جنبنا ف العمارة
غيث: تمام
سليم: الشبكة
غيث: مالها
سليم: دي هدية منك ل بنتنا هات زي ما انت عايز
صابر بهمس ل نبيل: بسم الله الحاج ماله
نبيل: بالله ما عارف
سليم: الجواز هيكون ف خلال شهر
اسلام: شهر ليه ما نخليه بكرة
سليم: نعم
غيث: ما صعب شهر يا حاج
سليم: دي شروطي
ماهر: طيب اي رايكم شهرين
اسلام: أنا موافق
سليم: و انا كمان
اسلام: اي طلبات تاني
سليم: اه الخطوبة تكون خلال اسبوعين
غيث: باذن الله حاضر
سليم: العفش يجي كله من برة
غيث: أن شاء الله هنجيبه من دمياط يا حاج
سليم: انت بتهزر
غيث: الله أنا قولت اي
سليم: قولت من برة
غيث: لا ما حضرتك مش قولت برة البلد ولا المحافظة
عز: طيب اي رايكم نقرأ فاتحة و بعد كده نشوف حوار العفش و الشبكة
غيث: نقرا
سليم: بس
صابر: نقرأ يا حاج خلينا نفرح
سليم بضيق: تمام نسمع راي العروسة الاول
اسلام: صح طبعا
كاظم: ماهر هات بيري من جوا
ماهر: حاضر و يقوم يروح عند الستات
ماهر بصوت عالي: امي
سهام: نعم يا ماهر
ماهر: جدو عايز بيري
سهام: حاضر يا حبيبي روحي يا بيري
بيري: حاضر بعد اذنكم و تقوم البنات معها
ماهر: انتوا رايحين فين
موده: هنسمع
ماهر: طيب اقفوا هنا تمام
زهراء: حاضر
ماهر: يلا يا بيري و يروحوا
كاظم: تعالي يا بنتي
بيري: السلام عليكم و ازيك يا عمو
اسلام: الحمدلله بنتي
سليم: تعالي يا حبيبتي اقعدي جنبي
بيري: حاضر و تروح
سليم: غيث طلب ايدك اي رايك
بيري: اللي حضرتك تشوفه يا جدو
سليم: محتاجة وقت تفكري
غيث: محتاجة اي أنا قولتلكم بقالي ٥ ايام يعني فكرت براحتها
سليم: ٥ ايام بس لازم تاخد اسبوعين تفكر
غيث: يا حاج بقي
كاظم: نسمع رأيها قولي يا بنتي
بيري: اللي تشوفه يا بابا و تخرج
كاظم: طيب نقرأ الفاتحة
غيث: نقرا يا حاج
سليم بضيق: اقرا
موده دخلت بسرعة عند الستات
موده: هيقروا الفاتحة
سهام بفرحة: بجد
هيام: يلا بسم الله يا جماعة و يقروا هم كمان و بعد كده كلهم يزغرطوا
رحاب: ما تسمعنا زغروطة يا ام العروسة
اسماء بصت عليهم و قعدت ساكتة ،رحاب راحت زغرطت جنب ودنها
يمني: ازغرط انا ام العريس و ام العروسة
بيري حضنتها: حبيبتي يا طنط
يمني: مبارك يا بنتي مبارك
بيري: الله يبارك فيكي
رحاب: نشغل اناشيد بقي
زهراء: يلا
اسماء: بعد اذنكم و تمشي بيري بصت بزعلها و يمني بصت باستغراب
سهام :معلش يا يمني هي بس تعبانة شوية
يمني: لا الف سلامة شغلوا يا بنات خلينا نفرح
بيري: بالله انا حماتي قمر متأكدة انك حماة
يمني: لا أنا مليش ف شغل الحموات ده انتي بنتي و صحبتي من انهاردة
بيري حضنتها: يا قلبي ربنا يحفظك
يمني: يارب
****
ف الجنينة غيث قاعد مع بيري و الشباب وراهم
غيث: قال نقعد مع بعض عشان نتعرف
بيري: بس يا بني خلي ربع ساعة دي تعدي
غيث: طيب ما تجي نتكلم بجد
بيري: هنقول اي
غيث: نتعرف بجد أنا مش عارف عنك حاجة
بيري: أنا يا سيدي بيري عندي ٢٥ سنة ميس انجليزي ف المدرسة معك
غيث: ماشاء الله ما أنا عارف ده كله
بيري: ما انت عايز اي
غيث: بتعرفي تطبخي
بيري: ياربي علي الطبخ لا يا سيدي
غيث :طيب انا مش بحب الكلام ده اتعلمي عشان اول حاجة تعملها لما نتجوز هتطبخي
بيري: لما نتجوز بقي
غيث: الفرح بعد شهرين
بيري: فرح اي احنا قولنا خطوبة بس
غيث: هيكون فرح عشان نمشي الدنيا لحد ما جدك يطلع من دماغه موضوع الجواز من ماهر ساعتها تقدري ترجعي لحياتك
بيري: تمام
غيث: هننزل يوم الجمعة نجيب الشبكة
بيري: أن شاء الله
غيث: عايزة اي
بيري: في أي
غيث: ف الشبكة يعني احم أنا مش هقدر اجيب الماظ
بيري:لا لا أنا مش هلبس غير الماظ بتهزر انت يا بني ولا اي
غيث: احم بس انا مش هقدر دلوقتي اجيب الماظ
بيري: و انا مش اجيب شبكة أقل من اي بنت اعرفها
غيث بحزن: يمكن أنا مش نفس المستوي اللي انتي عايشة فيه بس انتي عارفه انها كلها لعبة و انا حقيقي مش هقدر اجيب الماظ بس تمام هروح ابيع اي حاجة عشان اقدر
بيري بضحك: في أي يا بني أنا بهزر و اي مستوي دي أنا بهزر معك يا سيدي هات الشبكة زي ما انت عايز
غيث: نجيب دهب
بيري: بحب الدهب اوي موافقة طبعا
غيث: بجد
بيري: اه والله أنا بعشق الدهب و بعدين يا استاذ الشبكة بتكون هدية من العريس يعني هات اللي انت عايزه
غيث: خلاص بإذن الله ننزل الجمعة بعد يومين
بيري: باذن الله
غيث: الخطوبة بعد اسبوعين
بيري: هعمل زي موده
غيث: تمام باذن الله
بيري: تعرف ممكن اعمل هنا الخطوبة اعملها ف الجنينة
غيث: طيب اخد رايك في حاجة
بيري: اتفضل
غيث: اي رايك نكتب الكتاب مع الخطوبة
بيري: مش بسرعة
غيث: ما احنا كده كده الفرح بعد شهرين
بيري: طيب سيبني افكر
غيث: فكري براحتك كده كده اللي انتي عايزه هيحصل
بيري: تمام باذن الله
غيث: كملي بقي هتعملي الخطوبة ازاي
بيري: الجنينة هنا كبيرة ممكن اعمل ديكور حلو و اعملها ف الجنينة البنات تقعد هنا و انتوا تقعدوا ف الجنينة الخلفية
غيث: بس مكشوفة يعني اي حد واقف ف اي عمارة جنبكم يشوف كل حاجة
بيري: ممكن ساعتها نحط ورد كده من فوق
غيث: برضو مش هينفع طيب انا عندي فكرة
بيري: اتفضل
غيث: فوق السطح السطح هنا كبير اوي و مفيش عمارة هنا اكبر من الفيلا بتاعتكم
بيري: فكرة برضو خلاص فوق السطح و انتوا
غيث: نقعد هنا
بيري: خلاص بإذن الله
غيث: اول مرة تكوني هادية
بيري: طيب ليه الرخمة يعني
غيث: تعرفي أنا بحب ارخم عليكي اوي
بيري: والله
غيث: اه والله بحب اشوفك متعصبة و يجي عز
عز:كفاية كده يا استاذ غيث كفاية كده
غيث: بدأنا بقي
عز: يلا كفاية كده قاموا عشان الغدا
بيري: اتفضل يا غيث و تمشي
عز: اتفضل يا غيث انت عملت ف البت اي
غيث: أنا مستغرب برضو الهدوء ده غريب
عز: طيب يلا يا صاحبي عشان الغدا
غيث: عاملين اكل اي
عز: تعال نشوف
غيث: يلا و يمشوا
****
ف عربية غيث
اسلام: مبسوط كده يا غيث
غيث: اه يا بابا الحمدلله
يمني: ياربي علي اسماء دي غريبة أوي
اسلام: مين دي
يمني: والدة بيري
غيث: عملت اي
يمني: أُحرجت البنت اوي قالت إنها مس بتعرف تطبخ
اسلام: متأكدة أنها امها
يمني: اه امها أنا صعبت عليا اوي جبرت خاطرها بكلمتين قولت يا بنتي مش مهم الطبخ ف مامتها ردت عليا هياكل اي قولتلها يجيبوا من برة أنا اعمل اكل و ابعت إنما امها دي صعبة بجد
اسلام: اي امها مش موافقة غعلب الجوازة ولا اي
يمني: شكلها كده
اسلام: ما تسيبك يا بني من العيلة دي احنا مالنا و مالهم
يمني :لا لا البنت محترمة ملكيش دعوة ب امها
اسلام: موافقة انتي يعني
يمني: اه مليش دعوة ب امها بس أهلها بجد ناس طيبين و محترمين سهام دي مرات عمها اللي يشوفها يقول مامتها
غيث: اه دي والدة عز
يمني: اه هتنزل تجيب الشبكة امت
غيث: يوم الجمعة و الخطوبة بعد اسبوعين و انا اخدت راي بيري لو نكتب علي طول
يمني: طيب ليه السرعة و خليها البنت براحتها
اسلام: ولا سرعة ولا حاجة علي خير باذن الله بس خلي بيري براحتها
غيث: حاضر والله انا قولت رايك هو اللي يمشي باذن الله
يمني: تمام علي خير باذن الله
****
ف غرفة بيري الباب خبط و دخلت اسماء
اسماء: بيري
بيري: حضرتك عايزة حاجة
اسماء: أنا سمعت اني الشبكة هتكون دهب
بيري: اظن دي هدية من غيث يجيب زي ما هو عايز
اسماء: انتي هبلة انتي عايزة اي مني اي دهب ده بنت عمتك يجيلها الماظ و انتي دهب ليه أن شاء الله لا و كمان هيجيب شقة جنبنا يعني مش يجيب فيلا اي حاجة هبلة و متخلفة و مش كنتي اخدتي ماهر كان زمانك عائشة عيشة تانية
بيري: اول حاجة أنا مليش دعوة مين جاب اي لمراته أنا و خطيبي احرار نجيب اللي براحتنا أنا فرحانة ب خطيبي و اي حاجة هيجيبها مبسوطة بيها يا ماما مش هتجوز ماهر أنا بحب غيث أنا بحب غيث انتي اي عايزة مني اي حرام عليكي يا شيخة مش مهم غير الفلوس عندك انتي أنانية اوي
اسماء ضربتها بالقلم: كلمني باحترام ماشي يا بيري اقسم بالله الجوازة دي ما هتكمل فاهمة ولا لا و تخرج و بيري قعدت تعيط
****
قدام الفيلا كانت واقفة موده و عز
موده: مش كفاية قولت ل بابا ١٠ هتكون ف البيت
عز: ما احنا ماشين اهو
موده: يلا يا بني و شافت يوسف خارج من الفيلا اللي قدامهم
موده: عز مش ده يوسف
عز: اه
موده: هو ساكن هنا
عز: اه شلة جاد كلهم هنا الفيلا اللي جنبنا تيا و اللي بعدها مروان و اللي قدامنا يوسف و رويدا و فيروز كلهم ف مكان واحد عشان كده هم كل يوم عندنا
موده: اه طيب ده رايح فين دلوقتي
عز: اكيد خارج
موده: دلوقتى
عز: ده العادي بتاعهم
موده: بس غلط كده
عز: بقولك ده العادي
موده: ماشي أنا يومين و جاية هنا تمام
عز: هتعملي اي
موده: كل خير
****
تاني يوم ف بيت هيام
هيام: تجوا علي هنا عشان نكمل تحضير شنط عشان نمشي بليل
موده: خلاص بإذن الله هو ف كام اوضة
صابر: اللهم بارك ٥ غرف و زي ما قولنا حاتم و موسى اوضة حسناء و هيام اوضة أنا اوضة و البنات ف اكبر اوضة واسعة يقعدوا هم ٣ فيها كده فاضل واحدة هنعمل ل اي ضيوف تجي عندنا موافقين
الكل: تمام
صابر: أنا هروح انهاردة اجيب الفلوس احمد يباع الأرض و يبعت الفلوس علي البنك
موده: يلا عشان نروح المدرسة
الكل يقوم يلا و يقوموا كلهم
****
ف فيلا سليم
سليم: هتعمل الجناح امت
عز: من الاسبوع الجاي و قررت الفرح يكون بعد شهرين
سليم: كام فرح هيكون عندنا بعد شهرين
سهام: اللهم بارك يا حاج عادي نعمل عز الاول و بعد كده عروستنا
نبيل: فكرة حلوة خلاص عز اول ١٠ و بيري اخر ١٠ حلو كده
سليم: لا كده مش شهرين ل غيث
كاظم: الله شهرين و اسبوعين
سليم: بس انا قولت شهرين
نبيل: مفيش فرق يعني يا بابا
سليم: عاملين الخطة دي عشان يكون ف وقت ل غيث صح
عز: لا والله انا مش اقدر اخلص حاجتي ف شهر ف قولت شهرين
سليم: تمام يلا عشان نروح المدرسة
الكل: يلا
****
ف المدرسة
ف فصل جاد
جاد: عايز انام مش قادر
تيا: كنتوا فين امبارح يا عيال
يوسف: كنا فين يعني
فيروز: أنا شوفتكم و انتوا خارجين بليل
يوسف بصوت واطي: كنا ف ديسكو
تيا بصوت عالي: يلهوي
جاد: بس بس صوتك
رويدا: انتوا مجانين ازاي رايحين مكان زي ده
مروان: تجربه حاجة جديدة
تيا: حاجة جديدة رايحين مكان زي ده
جاد: اقسم بالله تجربة اه يا بنات علي الجمال
تيا: انت قليل الادب
جاد: اي الجديد يعني
فيروز: ده جنان يا شباب ليه رايحين مكان زي ده
مروان: متخافيش احنا لسه ب شرفنا
تيا: ما تحترم نفسك
يوسف بضحك: الله ما أنتوا اللي خايفين علينا احنا بنات
فيروز: لا مش بنات بس أنتوا عارفين الشباب بتروح المكان دي ليه كنتوا هناك ليه اي شرب ولا اي
جاد: ولا اي حاجة رقص شوية بس
و يجي موسى و يارا
موسى: السلام عليكم
الكل: وعليكم السلام و يدخلوا يقعدوا مكانهم
فيروز: تيا روحي قولي اسفة ل يارا
تيا: تمام و تروح عندها
تيا: يارا
يارا: نعم
تيا: سوري علي كلامي امبارح مكنيش قصدي سوري بجد
يارا: خلاص مفيش حاجة
تيا: بالله ما تزعلي أنا غلطانة اني قولت كده بس حقك عليا
يارا بابتسامة: خلاص يا تيا مفيش حاجة احنا اخوات
تيا: تمام يا حبيبتي و تجي موده
موده: السلام عليكم
الكل: وعليكم السلام
موده: اي عاملين اي
الكل: تمام
موده: فين الواجب
جاد: أنا لا
موده: ليه أن شاء الله دي صفحة
جاد: ما انتي عارفة أننا كنا عندنا مناسبة
موده: طيب بدل ما كنت تخرج بليل كنت قعدت تعمل الواجب ولا اي يوسف
يوسف: أنا مالي أنا
موده: يوسف أنا عايزك بعد الحصة
يوسف: تمام
موده: طيب انا مش هشوف الواجب انهاردة بس بكرة هشوف تمام نبدا يلا
****
ف مكتب سليم
سليم: المدرسة ماشية ازاي
نبيل: شوية كويسة البنات هيعملوا تأثير كبير
كاظم: باذن الله
نبيل : اه
كاظم: نبيل انت كويس
سليم: مالك يا بني
نبيل: لا كويس الحمدلله مش الم كل شوية ف القلب
سليم: قلب لا نروح دكتور
نبيل: أنا كويس
كاظم: لا هنروح دكتور و دلوقتي يلا بينا
سليم: أنا جاي معكم يلا و يمشوا
****
عز: ماهر
ماهر: نعم
عز: فين جدو و بابا و عمي مش موجودين في المدرسة كله
ماهر: أنا شوفتهم خارجين و قالوا عندهم مشوار مهم
عز: تمام
ماهر: أنا هروح اشوف نورسين و سند عندهم حفلة انهاردة
عز: تمام و يروح ماهر و كانت رحاب قاعدة مع نورسين اللي بتعيط
ماهر: نورسين مالك
نورسين: أنا عايزة امشي من هنا
ماهر: مالك يا حبيبتي حد عملها حاجة
الميس: صدقني يا مستر ماهر محدش كلمها حتي اسال ميس رحاب
رحاب: اه هي بس عشان الحفلة اللي برة ف خافت
ماهر: طيب اهدي يا حبيبتي أنا جنبك
نورسين: أنا عايزة امشي من هنا
الميس: تقدر تاخدها تهدأ برة و بعد كده تجيبها عادي
ماهر: تمام تعالي يا نورسين
نورسين: طنط رحاب تجي معايا
رحاب: تعالي يا ستي يلا و يقوموا كلهم يروحوا مطعم المدرسة
ماهر: ممكن تقولي خائفة ليه بقي
نورسين: ف دوشة كتير اوي
رحاب: ما عشان حفلة يا حبيبتي
نورسين: لا مش هروح تاني
ماهر: بس لازم تروحي عشان تقدري تتحدي خوفك
رحاب: يعني هي فاهمة كلامك ده بصي يا نورسين أنا عارفة انك خائفة من الدوشة مفيش اي حاجة تخوف احنا بنهزر و نلعب جوا بس اي رايك انا هروح أقعد أنا و انتي هناك نقعد و نهزر و انا مش هسيبك تمام
نورسين: بجد
رحاب: اه
نورسين: وعد انك مش هتمشي
رحاب: وعد يا ست البنات
نورسين مسحت دموعها: ماشي
رحاب: اي نروح
نورسين: اه بس
رحاب: يا ستي يلا بينا ده ف حاجات حلوة اوي جوا و تمشي و ماهر يروح وراها و دخلت هي نورسين مكان الحفلة و يجري سند و ماهر يشيل سند
رحاب كانت بتتحرك ب نورسين براحة اللي ف الاول كانت خائفة بس بعد كده اندمجت اوي ف الرقص و الهزار مع رحاب و سند يروح عندهم و يمسك ايد رحاب و يلعبوا كلهم مع بعض ماهر كان واقف بابتسامة فرحانة أنه ولاده فرحانين و مبسوطين مع رحاب
****
ف مكتب موده يجي يوسف
ف فصل جاد
موده: مروان اقوم اقول حل دي
مروان: ماشي
موده: ده ذكاء اي
مروان: صناعي
موده: صناعي اي مفيش حاجة ف المنهج اسمها كده اساسا
مروان: والله
موده: أقعد يا مروان رويدا الحل اي
رويدا: الصراحة مش عارفة
موده: اتفضل يا موسى
موسى: شخصي
موده: برافو يا موسى صح اشرح تاني الجزء ده
***
عند رحاب كانت خارجة بعد ما سابت نورسين و سند اندمجوا مع الجو
ماهر: رحاب
رحاب: نعم
ماهر: شكرا
رحاب: العفو علي اي دول زي لين بظبط عندي
ماهر: ربنا يحفظك
رحاب: بس انت طريقتك غلط معهم
ماهر: أنا ليه
رحاب: المفروض تشجيعها مش تقولها كلام سلبي يخوفها اكتر
ماهر: أنا مش قادر عليهم أنا مش عارف اتصرف معهم
رحاب: براحة عليهم يا استاذ ماهر هم لسه صغيرين
ماهر: حاضر شكرا لكي
رحاب: الشكرلله بعد اذنك و تمشي
****
ف فصل جاد كان وقت حصة تامر و يدخل
تامر: مساء الخير
الكل: مساء النور
تامر: الله معنا طلاب جدد اتعرف بيكم
موسى: موسى
يارا: يارا
تامر: تشرفت بكم
تامر: عاملين اي بقي
رويدا: الحمدلله يا مستر
تامر: نبدا الحصة بقي بس قبل ما نبدا كان اخر مرة ف واجب ممكن اشوفه و يروحوا عندهم
رويدا بحب: اتفضل
تامر: برافو يا رويدا برافو عليكي و يطبب علي كتفها
جاد: هو بيحط أيده علي كتفها كده ليه أي الجنان ده
يوسف: أنا مش عارف رويدا مالها
تامر: تيا الواجب
تيا: اتفضل
تامر: برافو و كان لسه يحط أيده علي كتفها هي بعدت
تامر باحراج: احم فيروز
فيروز: اتفضل و بعدت عنه عشان مش يجي جنبها و راح عند يارا
تامر: طبعا انتي جديدة ف سماح المرة دي
يارا: شكرا
تامر: بس المرة الجاية هشوف الواجب تمام
يارا: تمام
تامر ف سره: هو اي الجمال ده طيب دي اجيبها ازاي و يروح بعد كده يشوف واجب شباب و يروح يبدأ الشرح
***
ف عربية كاظم
كاظم: اول دكتور قلب جاي بعد العصر
سليم: نقعد عادي مش نرجع المسافة دي كلها
نبيل: ما أنا قولت لا يا بابا مش عايز دكتور
سليم: بس يا نبيل نقعد عادي ف اي مطعم لحد ما يجي يلا يا ولاد
كاظم: حاضر يلا و يمشوا
***
ف فصل جاد
تامر: أنا كده خلصت حد عنده سوال
الكل: لا
تامر: طيب انا موجود في اوضة المدرسين اللي عايز حاجة يجي هناك يلا اشوفكم بكرة و يمشي
رويدا قامت وراه
تيا: رايحة فين
رويدا: هيجيب حاجة و اجي و تجري
مروان: رويدا رويدا هي رايحة فين دي
تيا: بتقول هتجيب حاجة و تجي
جاد: هي ازاي تسيب تامر يحط ايده علي كتفها كده هي مجنونة
فيروز: أنا مش عارفة ازاي اساسا مش بعدت أو زعقت معها البت دي بقيت غريبة اوي
يوسف: تيا روحي وراها لتكون رايحة عنده
جاد: لا مش للدرجة يا يوسف
يوسف: اسمعي يا تيا الكلام يلا بسرعة
تيا: حاضر
***
عند رويدا راحت عند تامر اوضة المدرسين
تامر: رويدا تعالي
رويدا: ممكن اسال حضرتك سوال
تامر: اكيد اتفضل تعالي اقعدي بس
رويدا: أنا مش عارفة افهم المنهج نهائي صعب اوي ممكن اخد مع حضرتك درس
تامر: تحت امرك طبعا تمام هظبط وقتي و اقولك هيكون ف البيت عندك
رويدا: اه
تامر: خلاص تمام هشوف و اقولك علي اليوم و يروح عندها و يقعد قدامها اي الجزء اللي واقف قدامك
رويدا: المنهج كله
تامر: طيب تمام هقولك بكرة علي يوم
رويدا: تمام
تامر: ممكن رقمك بس
رويدا: اه طبعا الموبايل بتاع حضرتك
تامر: اه ثواني و يروح يجيبه و يجي يقف جنبها و كان مقرب منها جامد و رويدا اتوترت
رويدا كتبت الرقم: اتفضل اهو
تامر: تمام و يحط ايده علي كتفها
تامر: باذن الله تعرفي المنهج كله
رويدا بتوتر: تمام و الباب يخبط و تدخل تيا بسرعة و تامر اول ما شافها يبعد عن رويدا
تامر: تعالي يا تيا
تيا: رويدا يلا عشان عندنا حصة
رويدا: حاضر بعد اذنك يا مستر
تامر: اتفضل و يمشي و تيا بصت عليه بسخرية و يخرجوا
تامر: هيجي يوم و تجى يا تيا انتي كمان
عند رويدا و تيا
تيا: انتي مجنونة
رويدا: ف اي
تيا: ازاي تخليه يقرب منك كده
رويدا: عادي يا تيا
تيا: عادي اي ما الكل عارف اخلاق تامر ده ازاي تخليه يقرب منك كده
رويدا: انتي عارفة اني بحبه
تيا: انتي مجنونة بتحب المستر بتاعك
رويدا: الحب مش بأيدينا
تيا: ابعدى عن تامر
رويدا بسخرية: باذن الله
تيا: مفيش فايدة معكي
رويدا: طيب ممكن نبطل كلامها و نكمل كلام بعدين
تيا: تمام
****
في بيت هيام
موده: يا بشر احنا جينا
هيام: اي يا صداع
رحاب: أنا جعانة اوي
حسناء: اي سندوتشات بسرعة عشان عايزين نخلص ساعتين و حاتم هيجيب العربيات و يجي
يارا: يلا بينا يا جدعان
***
ف فيلا سليم
سهام: يعني اي يروحوا مشوار من الصبح لحد دلوقتي و محدش بيرد عليا
ماهر: مش عارف يا ماما
سهام: يارب استر
اسماء: كاظم مش بيرد عليا
عز: ممكن هدوء يا جماعة خير باذن الله الكل كان قاعد متوتر لحد ما موبايل عز يرن
سهام: مين مين
عز: دي موده و يرد
عز: السلام عليكم
موده: وعليكم السلام فينك
عز: في البيت
موده: مال صوتك
عز: مفيش حاجة
موده: طيب احنا نص ساعة و هنجي عندكم
عز: تمام لمي تنزلي كلمني عشان اجيب مفتاح البيت
موده: تمام بس مالك بجد
عز: مفيش يا موده مرهق شوية
موده: طيب تمام اسيبك دلوقتي و لما اجي هنتكلم
عز: باذن الله و يقفل
سهام: اي
عز: خلاص نص ساعة و ينزلوا ف البيت و يجوا هنا
سهام: يجوا بالسلامة كلم ابوك بقي
ماهر: مغلق يا ماما
سهام: يارب يارب
زهراء: خير يا ماما موبايل ماهر يرن و كان كاظم
ماهر: عمي و يرد
ماهر: اي يا حاج فينكم
كاظ:م اي الصداع ده عندي اجتماع و كل شوية حد يرن
ماهر: عايزين نعرف أنتوا فين
كاظم: احنا كويسين بس هنجي بليل صاحب جدك صمم اني الغدا هيكون عنده انهاردة و لسه شوية علي الاجتماع بعد كده هنروح عنده
ماهر: طيب يا عمي الحمدلله
كاظم: يلا سلام بقي قول ل اسماء و بيري عشان اكيد خايفين زيكم
ماهر: لا ما هو الكل قاعد جنبي
كاظم بضحك: طيب تمام احنا كويسين يا جماعة
اسماء: طيب الحمدلله
كاظم: يلا سلام بقي و يقفل
ماهر: اهو كويسين يا ستي
سهام: أنا مش مرتاحة
عز: يا ماما بقي
بيري: ما هم كويسين يا طنط
سهام: لا مش مرتاحة
اسماء: احم ولا أنا صوت كاظم في حاجة
سهام: شوفتي اي امك بتقول اي
بيري: ليه يا ماما
اسماء: أنا عارفة جوزي ده مش صوته الطبيعي ده قلقان و خايف
عز: طيب ليه القلق ده يا جدعان
سهام: أنا رايحة أحضر الغدا و تمشي و الكل بص لبعض باستغراب و قلق
***
ف بيت هيام بعد ما خلصوا الشنط هيام كانت واقفة زعلانة و متضايقة
هيام: هيجي تاني باذن الله
حاتم: يلا يا ماما
هيام: حاضر و تقفل الباب و تنزل
هيام: سلام يا بيتي هيجي تاني
حاتم: باذن الله يا امي يلا عشان العربيات واقفة تحت
هيام: حاضر يلا
موده: كل ده يا عمتو
هيام: خلصت اهو يلا
موده: يلا يا ست الكل و يركبوا و يمشوا
صابر ل هيام: هنجي تاني باذن الله
هيام: باذن الله و العربيات تمشي
****
ف فيلا سليم
عز: ماهر جاد
ماهر: اي يا عم
عز: موده و اهلها برة
ماهر: طيب يلا
عز: تمام ماما ماما
سهام: نعم
عز: موده وصلت
سهام: طيب هيجيب حجابي و اجي
عز: تمام يلا يا شباب و يخرجوا
عز: ازغرط يا ناس مراتي العزيزة جنبي هاتي حضن يا موده
صابر: انت يا واد ابعد عن البت و تعال عشان الحاجة دي
عز: حاضر يا حاج الشنط كتير ماشاء الله
هيام: اه يا بني يلا معلش تطلعوا واحدة واحدة
عز: اه يلا يا شباب
جاد: اصبروا يوسف مروان يوسف
يوسف يخرج من البلكونة غرفته: اي يا بني اي ده
موده: من حبي فيكم قولت اجي أقعد جنبكم
يوسف: اي
موده: مش مبسوط ولا اي
يوسف: ده احلي خبر حسب الله عايز اي يا بني
جاد: تعال عشان نطلع الشنط دي
يوسف: حاضر ثواني
جاد:تمام مروان مروان
مروان يخرج: نعم يا بني موده اي ده ماشية ولا اي
موده: لا جاية يا مروان و قاعدة علي قلوبكم هنا
مروان: تنور يا نهار ابيض
جاد: انزل عشان تشيل الشنط معنا
مروان: حاضر و ينزلوا كلهم
يوسف: منورة
موده: بنورك يلا يا بني انت و هو يلا
سهام تخرج: منورين يا جماعة تعالوا اقعدوا جوا لحد ما يطلعوا الشنط تعالو
هيام: تمام و يدخلوا الستات
موده: أنا داخلة جوا اطلع يكون كل الشنط طلعت
عز: يلا يا بت من هنا يلا
جوا ف الفيلا كانوا قاعدين ف الجنينة
سهام: بالله منورين
هيام: بنورك يا حبيبتي
موده: فين جدو
سهام: عنده شغل
موده: دلوقتي احنا العشاء
سهام: أنا عارفة يا بنتي اقعدي
موده: حاضر و تقعد و بعد سوية و يجي الشباب يقعدوا علي الارض
جاد: اه مش قادر ,يوسف يكح جامد
سهام: اسم الله عليك يا حبيبي خد.ماما
ماهر: المفروض دول ف شبابهم
عز: المفروض
حاتم: ما تقوم يا واد انت و هو
مروان: اه مش قادر
موده: ما هو من العصير اه العصير
جاد: احم يغمز لها
يوسف بهمس ل موده اللي كانت قاعدة جنبه: بالله اسكتي
موده: ده كله بسبب السجائر
يوسف: طيب نتكلم بعدين بالله
موده: تمام
هيام: يلا بينا بقي عشان هموت و انام
صابر: يلا بعد اذنكم يا جماعة
****
ف منتصف الليل ف بيت صابر
موده: اه اخيرا خلصنا
رحاب: أنا مش قادرة
يارا: جماعة غلط جدا أننا نجي بليل و عايزين نخلص كل حاجة دلوقتي
رحاب: صح يلا اهو بنتعلم
موده: أنا رايحة انام تصبحوا علي خير و يرن عز
موده: لا والله مش وقتك وترد
موده: السلام عليكم
عز: وعليكم السلام خلصتي
موده: اه لسه دلوقتي
عز: طيب تعالي نخرج شوية
موده: انت بارد يا واد
عز: بت احترامي نفسك
موده: يعني أنا تعبانة و بقولك خلصت بالعافية تقولي نخرج
عز: انتي فقر اساسا امشي يا بت
موده: أنا رايحة انام تصبح علي خير
عز: و انتي من اهلي
موده: مش ناقصة هي بجد
عز: امشي يا موده امشي اه بقولك صح
موده: اي
عز: الفرح هيكون بعد شهرين عشان لسه ف تجهيزات كتير
موده: احسن برضو عشان انا عايزة انام
عز: تنامي اي
موده: قصدي اجهز براحتي
عز بضحك: روحي نامي يا موده شكلك مش معايا
موده: اه ياريت يلا سلام
عز: سلام و يقفل
عز: أمت تكوني معايا علي طول يا وصية الرسول
****
ف فيلا سليم ف وقت الفجر ساعة الصلاة سهام كانت بتصلي هي و نبيل
سهام: قولي بقي كنت فين امبارح ده كله
نبيل: مش قولتلك ف اجتماع
سهام: مش مصدقة
نبيل: هقولك بس مش عايز حد يعرف
سهام: هتتجوز ولا اي
نبيل: مش كان ف الم علي طول عندي
سهام: اه و قولتلك مليون مرة تروح للدكتور
نبيل :روحت انهاردة و عملت إشاعة
سهام: و خير
نبيل ...
سهام: مالك يا نبيل قالك اي
نبيل: كانسر
سهام: يا شيخ اعوذ بالله بطل هزار
نبيل بدموع: مش هزار يا سهام عندي كانسر الحمدلله يارب
سهام: لا بتهزر صح انت كويس لا
نبيل: بالله واطي صوتك مش عايز الولاد يعرفوا حاجة و يحضنها
سهام بتعيط: لا انت كويس
نبيل: متخافيش هاخد العلاج باذن الله قدر الله وماشاء فعل ابتلاء يا سهام سهام كانت بتعيط بس و هي تحضنه جامد و هو كمان يعيط .....
تبع.....
#معلمة_من_الصعيد
#مريم_شعبان
